හෝරා කීපයක් හෝ...........

නුඹ කියාදුන් ජීවිතය

විඳින්නට අවැසි නම්

නුඹ තුරුලේ උණුසුම විඳිමින්

වදනකුදු නොදොඩා

දෙනෙතින් දොඩමලු වෙමින්

රාත්‍රිය පහන් වන තුරු

තරු නිදන තුරු

සඳු මියෙන තුරු

හිරු නැගෙන තුරු

හෝරා කීපයක් හෝ..........................

දෑඟිලි පටලාගෙන

නුඹේ ලය මත සැතපීගෙන

දෙසවන් මත පතිතවන

නුඹේ සුසුම් පොදක හඬට

රාත්‍රියේ නිහඬ බව බිඳින්නට

අනුරාගී නෙතු අඩවන්කර

දඟකාර දෙතොලින්

ඇරයුම් කරනු වස්

රැඳෙන්න මා අසලම

මුළු ලොවම නිදිගත් යාමයේ

නිදි ලොවින් නික් මී

අපේම සුන්දර කැදැල්ල තුල......