තාමත් ඒ අහස ඉස්සර වගේමයි

තාමත් මම දකින්නෙ ඒ අහසමයි
එක තරුවක් හරි බබලනවා....
හරියට මගේ හිතලඟ නුඹ ඉන්නව වගේ

නුඹ මට ආදරෙය් කියද්දි
රෑ අහසෙ තරු ගොඩක් තිබුනා මට මතකයි
මම නුඹට ආදරෙයි කියද්දි
ඒ අහසෙම තිබුනෙ වැහි වලකුලු විතරමයි
මම හිතුවෙ වැහි වලකුලු වැස්සක් වෙලා
මහපොලවට කඩාවැටෙයි කියලා
ඔවු වැස්ස කඩාගෙන වැටුනා
ඒත් කෝ ....
එක වැහි බින්දුවක් පොලවට වැටිල නෑනෙ
මම නුඹේ දිහා බැලුව පුදුම වෙලා
නුඹ මගේ දිහා බලල හිනා උනා
නුඹේ දෝතම දිගුකරගෙන මගේ දිහාවට
මම නුඹේ දෝත දිහා බැලුවා
"වැහි වතුර...." මට ඉබේටම කියවුනා
"නෑ මේ ඔයාගෙ කඳුලු.... වැහි වතුරට වඩා බරයි...."
"පොලවට වැටුනොත් දරාගන්න බැරිවෙයි...."
"දැන් අහස පැහදිලියී... තරු පිරිලා ... ලස්සනයි..."
නුඹ අහස දිහා බලාගෙනඑහෙම කියද්දි
මම නුඹේ දිහා බලාගෙන හිටියා...

තාමත් ඒ අහස ඉස්සර වගේමයි
තරු දිලෙනව හැම රෑකම
වැහි වලාකුලක් පේන්නවත් නෑ....
මම නුඹට කුලුඳුලේ තුරුලුවෙද්දි
අපි දිහා බලාගෙන හිටිය අහසමයි ඒ...
ඒත් ඒ අහසයට එකම එක දෙයක්
හැම මොහොතකදිම අලුත් වෙනවා
ඒ මගේ හිතේ නුඹ ගැන තියන ආදරය.....
මම නුඹට ගොඩාක් ආදරෙයි....